والله أح ـبك {..ياسخ ـيف MMS من تصميمي

ولا كلمة ... ولا حرف ...
ما ابي اسمع عذر ...
لا تكلمني ابد ...
إكتشفت إنك سخيف

وينك البارح ...؟!
وربي إنك سخيف ...!!
ماتدري إن الجفى بشرع الهوى عيب ... وحرام ...!!
يعني ماتدري وش احساسي تجاهك ...؟!
ياسلام...!!
مابي اعذار ... المهم إنك جفيت ...!! وهذا طبعك
وانا من طبعي وفيت
وما اجبرك ...
كيفك ...
إنت حُر ...
سو اللي تبيه ...!!
بس انا بـ اسهر غلا غصبٍ عليك
وانا حرة في عيوني
واموت شوق
واعشق
واحب
واعلم الناس
بقول إني هويت ...!!
وبعد غصبٍ عليك ... و وش تبي تسويه سوه
وبذووووب فيك ...!!
وما راح استئذنك ... بـ اعشق وبس



كيفي...!!
وانا حُرة ... وإنت حر ...!!
بـ اكتب اسمك فوق كفي
واتغنى فيك قدام البنات
واسهر الليل آتقلب لجل عينك
وادعي الله ما انحرم منك ابد ... ومو بكيفك ...
غصبٍ عليك
وكل واحد يسوي إللي يبيه
وانا ابيك ... ياسخيف ...!!
انا ما اكذب ... ولا اتسلى
انا هويتك غصب عني ... وغصب عنك ...!!
والقدر من يقوى عليه ...؟!
بس ربي
خل اقول لك شيء...
تدري البارح وش اللي صار ...؟!



ياااااه

يا انا عشت اجمل عمر ...
تخيلتك معي ... والهوى حلم ... وخيال
بس مو اية خيال
وربي عسوووول الهوى
سكر
يشبه الكتكات في ريق البنات ...!!

تدري البارح ضحكت
ثم رديت وبكيت
ثم رديت وضحكت
ثم رديت وبكيت
كني مجنونة ... صح...؟!
ادري إنك قلت " صح " ...!!
بس وربي ماني مجنونة عقل
انا مجنونة عليك
يا سخيف ...




ميت احساسك وإلا تتغلى علي...؟!
إذا تتغلى يااااااااااااااه ... وربي ما اغلى منك احد
تدري وش كثر الغلا اللي يحتويك بوسط عيني ...؟!!
كثر أُمي ... وأبوي
أنت انا ...
وأنت أُمي ... وأنت ابوي ...
وأنت اختي ... وأنت اخوي ...
وأنت روح بـ وسط روحي
وأنت قلب بوسط قلبي



وأنت شمسي بالصباح ... وبالمساء بعيني بدر
ياشموخي بين كل الناس
يا جموحي عن غلا غيرك فديتك
يا اعتزازي
وتاج راسي
وأنت نجمي في طريقي وأنت نبراسي
وطعم كاسي
وكل ناسي


ياعزاي إن صار في عمري مآسي
أنت في عيني كحل
وأنت في خصري حزام
وأنت في صدري شعاع
وأنت في خدي قمر
وأنت بـ كفوفي ذهب
وفي جيدي غلاي ... وقلادة الماسي ...!!



ياسخيف ...!!

يعني ما تدري بغلاك ...؟!
وربي اغلي تراب بابك لاوطت رجلك عليه
ولو يبيعونه لعينك اشتريه
وربي احسد انفاسك إذا تدخل لصدرك
وأحسد الخاتم إذا يسكن بكفك
واحسد اصحابك إذا نادوك بـ إسمك
وأحسد ... اخوانك وابوك ...!!
وحتى جيرانك بعد
وكل حيك
والشوارع ... والمدينة ...!!
والعيون اللي على شانك حزينة
والمطر لو مس راسك
وحتى لو تدمع عيونك احسد الدمعة إذا نامت بخدك
واتلوى ...
وآتصبر



وانتظر ساعة فرج من عقب عامين ضيق ...!!
كل هذا مو غلا...؟!!

يا خي رح ... والله ماتدري بإحساسي تجاهك ياغلاي ...!!
والغلا قسمة ونصيب ... وراضية بحكم القدر ...!!

يا بعد كل الجروح
وأنت جرح ينزف أشواق وعطر

قل يارب ...

جعل جرحك فيني عمره ما يطيب
وانت في عمري صديق
وأنت بـ احساسي حبيب
وأنت شمعة
احترق من ضحكتك
وانت دمعة
انزفك في غيبتك
وأنت سلطاني
وتحناني
وأفراحي
واحزاني

ياقصيدي ... وفرحتي في يوم عيدي
ونبضي اللي وسط صدري
وعطري اللي في وريدي
وارتعاشي
والدفى بحافة فراشي

اشربك بالصيف
ياااااااااه ... يابردك
واتظلل في غلاك لحتمى صيف الهوى ...
وبالشتاء انفاسك جمر ...
وكفوفك لهيب


وانت بعيوني سوالف ماسمعها انسان ثاني
من صباحي لين ليلي
وانت بعيوني عمر ما كتب لانسان ثاني
والله ما يتهنى فيه إنسان غيرك
وحتى لو إنك سخيف
وما تقدر لي هواي
وربي عادي
ومو مهم


المهم إن كل شيء بـ عيوني
وأنت بلحالك مهم ...!!
وخلهم يدرون ... عادي
وخلهم يحكون ... عادي




كلها قصة هوى
وعشقٍ نظيف

ما يعرفونه ولا يدرون وش معناه ...
أنا ما اهتم منهم ... يكفي إن عشقي شريف
يكفي إن قلبي عفيف
يكفي إن عرضي نظيف

وكلهم يدرون ...
بس وش تقول ...؟!
الحسد بقلوبهم ينبت نبات ...!!
بس يا الله الثبات ...!!
وربي احبك ياسخيف ...




يا الله روووح ...!!
وربي إنك املح من خلق ربي ولو إنك سخيف ...!!
ربي لا يحرمني منك ...!!
ولا من سخفك وشينك
ولا من نظرات عينك
وقل يارب
قلها تكفى يا سخيف
ربي لا يبين غلاك ...!!















يُمه ... هَيّن ...!!
الهوى بعيون بنتك صار بيّن ...
ما يبي له من يعَلم ...!!
وصاحبي بالعشق أُستاذ ومُعَلِم
كيف اخبي ...؟!
إنتي من جِدك يا يُمه ...؟!
وانا بنوته
وقلبي وردي ... وصغَـيّر ... ولَيّن
ايه احبه ...!!
يعني هذا اللي تبينه ...؟!
كيف اخبي وهذا دربي ...؟!
والهوى مكتوب من ربك وربي



يوم شفته
متكشخ ... ومتعطر ... ومتزين
طاح كاسي
فدوته راسي ... وناسي
مو بكيفي ...!!



يُمه جنني بـ حنانه
ما يخون
الهوى عنده امانه
وريحة انفاسه دخون
مو طبيعي هالولد من جد يُمه
فيه ذوق ... وفيه شوق ... وفيه للعشاق عوق
يُمه يسلم لك حبيبك
والله نَسَاني حليبك
أي ورب الكون يُمه
يُمه لو تدرين عنه ...
قلتي لي فالك حبيبك
ايه احبه
ايه يمه
ايه اموت برعشة شفاهه واذا يسمح الَّـمّه
سامحيني لو حلفت إني لَـ " لِـمّه "
مو بكيفي
وضحكته خمري ... وكيفي
مو طبيعي
هالولد عمري وربيعي
وفوق هذا صار شاعر ...
كله يتغزل بخصري ... وريحة انفاسي وعطري ...
والعَرق لاسال قطرة فوق قطرة وطاح من جيدي إلى مركوز صدري
قال ( احبه
هذا مِسكك مو عرق يانور عيني )
قلت ( ادري )
قال ( ياحلوه غرورك ...
وشمس وجهك تكسر عيوني بنورك )
قلت ( كافي )
قال ( شورك )
والله فعلاً مو طبيعي
إن عشق كله جنون
وإن حكى كله فنون ...
على راسي ما يهون
إيه يُمه
إيه احبه
واعصر ضلوعه واضمه
وانتشي من ريحة انفاسه ... " واذا يسمح اشمه "
وحق من سوى شفاتي للثم شفاهه واشمه
" بس بالسِنة يا يُمه "
جعل عيني فدوت عيونه
وثوبي دون كمه ... بس المه
خلى لعيوني كثير من البنات ... على شاني
خلى نورة وخلى لمياء وخلى خولة
ايه يُمه
وخلى اسماء بنت خاله ...
وخلى سارة بنت عمه
اللي ابوها اخو ابوه ... ودمها هو نفس دمه
باعهم لعيون بنتك ... واشتراني ...
شفتي يُمه ...؟!
وآنا اراه إنه غرامي ... وهو بعد مثلي يراني ...
إلا احبه
إلا احبه
إلا احبه
واللي ما يسمعني يسمع ... إلا احبه
واعشق ترابه اذا داسه برجله
قال لي مَرة ( اناظر ...؟! )
قلت ( حاضر
يا الله ناظر )
يوم ناظرني بكيت
ما تحملت الهوى بعيونه السوداء
وشكيت
قال ( ابوسك ...؟! )
قلت ( تعقل ... وإلا احوسك ...؟! )
قال ( انا اقصد على السنة )
قلت ( ليت )
قال ( والله لآخذك قدام اخوك ...
بعد ما تربط يديني في يدينك بأمر ابوك )
قلت ( تبطي ...؟! )
قال ( لا لا )
قلت ( لو ابطيت جيتك )
قال ( يسلم لي وفاك ...
قلبي قلبك ... وبيتي بيتك ...
لعن ابو من خان عشقك
وما حفظ عهده معاك ... وما رعاك ...
وما تذرى ظلال خصرك وقت صيف
وما دفن نفسه بحضنك وخذ دفاك )
وإن خطبني لا تردونه يا يُمه ...
آنا ابيه
قولي ( تم )
لا تخلين العُمر يمشي الم
ها يا يُمه ...؟!
قولي ( تم )

يسلموووو وووووووووووو ووووووووو

شكرا على المرور ياحبايبي